Heim
 Saga
 C.L.M. framætt
 J.S.R. framætt

  Niðjatal
 Myndir
  Myndir-2
 Myndir-3
 Myndir-4

  Ljóðmæli
  Sagnaþættir
 Minningar
  Lausir endar
 Krækjur

English Summary

Póstur

Lucinduvarðinn á Spákonufelli
eftir Björn Th. Björnsson

Á bak við hvern legstein í kirkjugarði býr saga, oftast sem betur fer um ríkulega ævi og verðskuldaða hvíld.  Framan á steininum fræðumst við ekki nema um nafn og
endamörk þeirrar vegferðar. En síðan eru aðrir legsteinar sem geyma á bak við sig aðra og myrkari sögu.

Lesa meira á vefnum Kirkjugarðar.is

Múrkirkjan endurbyggð
Með bumbuslætti boð út ganga

Það, sem næst er vitað um þetta mál, er að 7. maí 1816 skrifaði rentukammerið Castenschiold stiftamtmanni og fól honum að láta fram fara útboð um viðgerð á Dómkirkjunni. Áttu tilboð að byggjast á úttektinni frá 1814 og þeim skemmdum, sem síðan hefðu orðið.

Lesa meira á vef Dómkirkjunnar 

Ágrip af byggingarsögu Stjórnarráðshússins

Kóngsgarður
Árið 1819 bar það helst til tíðinda, að hér urðu stiftamtmannsskipti. Tók þá við embættinu Moltke greifi, 29 ára að aldri, og kom hingað út ásamt konu sinni að kynna sér aðstæður. Þótti honum yfirréttarhúsið, sem stjórnin hafði keypt fyrir embættið, bæði óhentugt og fátæklegt, og sótti því um leyfi til að breyta hinu "ónotaða tugthúsi" í embættisbústað. Er skemmst frá því að segja að erindi hans fékk skjóta afgreiðslu: Í apríl var gefinn út konungsúrskurður, sem heimilaði breytingarnar, og í framhaldi af honum var gerður vandaður uppdráttur að nýrri herbergjaskipan. Ole Peter Möller, kaupmanni í Reykjavík, var falið að sjá um breytingarnar á húsinu og lét hann vinna verkið veturinn 1819-20. Hinn 2. mars 1820 taldist verkinu lokið með ítarlegri úttekt sem staðfesti að viðgerð og innrétting var í samræmi við tilgreind fyrirmæli.

Heimild:  http://www3.forsaetisraduneyti.is/raduneyti/stjornaradshusid/

--------------------------------------------------------

Söguþættir: úr sögu Blönduóss

Thomsen, kuapmaður lést af slysförum sumarið 1877.   Var hann Húnvetningum harmdauði.  Tók þá við verslun hans Jóhann Georg Möller, sonur Chr. L. Möllers, veitingamanns í Reykjavík.  Var Jóhann Kvæntur Alvildu systur Thomsens og rak verslunina, Möllersverslun, til dauðadags 1903.  Jóhann G. Möller var maður einkar vel látinn í héraðinu.  Hann var greiðvikinn, framkvæmdasamur og framfarasinnaður.  Jóhann var mikill ræktunarmaður og var Möllerstúnið lengi stærsta túnið á Blönduósi.  Stendur hreppshúsið nyrst í því túni
Samkeppni var talsverð milli verslananna (Möllersverslunar og Höepfnersverslunar), þótt þær á hinn bóginn rækju trippin saman í ýmsum málum.  Átti Möllersverslun þar nokkuð í vök að verjast, þar sem fjárhagur hennar var á stundum allþröngur, en keppinauturinn gamalgróin selstöðuverslun með öflug fyrirtæki á Akureyri og á Skagaströnd.
Þrátt fyrir samkeppni verslananna var góð vinátta með Möller og Sæmundsen og ekki síður milli heimila þeirra og barna.  Það leiddi af sjálfu sér að Mölers- og Sæmundsensheimilin settu mestan svip á kauptúnið fyrstu árin og reyndar ásamt Vertshúsinu allt fram undir aldamót, er fjölga tekur í plássinu og þangað flytjast læknir og sýslumaður.  Við lát Jóhanns G. Möllers tók við versluninni Ólafur N. Möller sonur hans.  Hann féll snögglega frá á ferðalagi 1910 og leið verslun þessi þá undir lok.  Komust hús verslunarinnar þá á ýmsar hendur m.a. þeirra, sem verið höfðu í ábyrgðum fyrir verslunina

Fyrsta stóráfangann í samgögnumálum Blönduóss má eflaust telja  byggingu Blönduósbryggju.  Erlendur í Tungunesi bar málið fyrst upp á sýslufundi 1877, en af framkvæmdum varð eigi.  Árið 1892 ritaði Jóhann G. Möller sýslunefndinni erindi um nauðsyn bryggjugerðar.  Fékk málið góðar undirtektir bæði í sýslunefnd og eins á Alþingi, sem veitti styrk til framkvæmdarinnar. Var bryggjan síðan byggð 1894 og 1895.

Fyrsta félag sem kunnugt er að hafi verið stofnað á Blönduósi og af Blönduósingum eingöngu, var Leikfimifélag Blönduósinga, sem stofnað var 19. oktober 1897.  Stofnendur voru 12 og fyrsti formaður Ólafur N. Möller.  Í bréfi frá Blönduósi í nóvember 1897 segir: "Leikfimifélagið ætlar að leika komedíu í vesturpakkhúsinu hér." og í bréfi frá í febrúar 1898 segir: "7. mars á að leika hér fyrst". Leikritið hét Tímaleysinginn og var þýtt úr komedíum Holbergs, af Ólafi Möller

-----------------------------------------------------------------

(MBL 1. apríl 1958)

Fjórir ungir stúdentar fórust í flugslysi á Öxnadalsheiði
Vélin lenti í hríðarbyl
Flugmaðurinn ætlaði að snúa við

Alþjóð er nú kunnugt, að enn hefur orðið hörmulegt slys hér á landi. Aðeins 10 dögum eftir að faðir og sonur biðu ana í eldsvoða á Siglufirði, berst fregnin um að fjórir ungir efnilegir menn, stúdentar, allir í blóma lífsins, hafi látið lífið norður á öxnadalsheiði, rúma 3km frá byggð.  Lítil flugvél sem þeir voru í, fórst þar á heiðinni, norðvestur af Bakkaseli, sennilega klukkan liðlega 6.30 á laugardagskvöld.  Þeir fundust látnir árla á sunnudagsmorgun.  Þrír piltanna voru við nám í Háskóla Íslands, en sá fjórði, flugmaðurinn, var í þann veginn að ljúka flugnámi. - Stúdentarnir voru á leið til Akureyrar, til þess að heimsækja gamla kunningja í Menntaskólanum á Akureyri og taka þátt í skólaskemmtun á laugardagskvöldið. Fjórmenningarnir voru:
              Bragi Egilsson, stud. med. , frá Hléskógum, Höfðahverfi, 20 ára
              Geir Geirsson, flugmaður, Borgarhlíð 7, R.vík 21 árs.
              Jóhann G. Möller, stud.med., Klapparstíg 29, Rvík. 20 ára
              Ragnar Ragnars, stud.med., frá Siglufirði, hann hefði orðið 21 árs
                                           í gær 31. mars.

Á síðastliðnu hausti innrituðust þeir Bragi Egilsson, Jóhann G. Möller og Ragnar Ragnars í læknadeild Háskóla Íslands. Geir Geirsson hafði aftur á móti innritast í lögfræðideild þótt hann muni ekki hafa sótt þar tíma, enda stóð hugur hans til flugmennsku.  Ragnar Ragnars hafði í vetur unnið með námi sínu hjá Almenna bókafélaginu.  Bragi  Egilsson hafði einnig unnið með námi - var starfsmaður við Kleppsspítalann.  Jóhann G. Möller Hafði aftur á móti alveg gefið sig að náminu. Hann og unnusta hans voru að undirbúa giftingu sína og stofnun eigin heimilis nú á næstunni.
Hinir látnu stúdentar voru mestu myndarmenn, sem ástæða var til að tengja miklar vonir við, sagði Þórarinn Björnsson. skólameistari í samtali við Mbl..

Bragi Egilsson var frá Hléskógum í Höfðahverfi, sonur Egils, bónda þar, Áskelssonar, sem er bróðir Jóhannesar menntaskólakennara, hér í Reykjavík. Var hann hinn mesti efnismaður.  Geir Geirsson átti móður á lífi austur á Djúpavogi, frú Kristínu Björnsdóttur.  Faðir hans, sem var lögregluþjónn hér í Reykjavík, Geir Sigurðsson. lést með sviplegum hætti fyrir 20 árum. Drukknaði hann í Reykjavíkurhöfn.  Síðasta veturinn í MA var Geir inspector scolae.  Jóhann G. Möller bjó hjá móður sinni, frú Edith Möller, Klapparstíg 29, en hún var ekkja Jóhanns G. Möller, áður forstj. Tóbakseinkasölunnar.  Var hann einkabarn þeirra.  Hinn ungi og efnilegi maður lætur eftir sig unnustu, Guðnýju Einarsdóttur, Þorvaldssonar, áður kennara á Akureyri, og nokkurra mánaða dóttur.  Voru þau Guðný skólasystkini.  Jóhann heitinn var dux stærðfræðideildar á stúdentsprófi í fyrravor og hafði  sýnt mikla námshæfileika.
Ranar Ragnars var sonur Ólafs Ragnars útgerðarmanns á Siglufirði, einnig efnismaður hinn mesti.  Hann mun hafa verið elstur systkina sinna, en bróður á hann nú í V.bekk M.A.