Vísur
til
Kaupmanns J.G. Möllers á Blönduósi
við heimkomu hans úr utanför á sumarmálum 1903

Lag: Ved vintertid haar Skoven Staar

 Frá Höfn um bláan græðis geim,
frá gróðursælum hlýjum löndum
með  Möller kemur Holtið heim
og heilsar Íslands norður ströndum
Og aldrei flutti yfir höf
neitt eimskip betri sumargjöf
svo unaðsríka ástargjöf,
sem þessi verður vinum þínum.

 Og nú er, Möller glatt þitt geð
vjer getum skilið þú ert feginn,
er Húnaflóann færðu sjeð,
og fjöllin þekktu beggja megin.
Í sálu þinni er líf og ljós
er leggurð´inn á Blönduós,
við sumarblæ og sigurhrós
og heilsar aptur öllum þínum.

 Vor hrausti vin stíg heill á land,
og hjá oss, Möller, lengi vertu,
Þú prýðir þína stétt og stand,
og stólpi þinnar byggðar ertu.
Þín gjöfla hönd, hún hefur leyst
frá hörmung marga og aldrei þreyst
við líknarstörf og styrkan reist
þjer bautastein á Blönduósi.

                                  Sch

Þessar vísur bárust frá þeim Almari og Lucindu Grímsbörnum, þakkar Niðjavefurinn þeim sendinguna.

Verið er að kanna hver höfundurinn er.

(Höfundi varð ekki að ósk sinni, þar
sem Jóhann Georg, lést 11. nóvember
þetta sama ár)JGM

--------------------------------------

Í kvæði um óskaframtíðarsýn Siglufjarðar  segir m.a.

Lögreglueftirlit eykst þá hér,
og aumingja Möller fær hvíld.
Á dagverði fær hann að sóma sér
og sofa um nætur að vild.

--------------------------------------

Kristján þótti með bestu gamanvísnasöngvurum. Með söng gamanvísna gat hann sameinað sönggleðina, húmorinn og kætina sem einkenndu hann. Hann varð því líka afar vinsæll gamanvísnasöngvari.

Ekki gleym’onum Möller má
Með sín læti, með sín læti,
Af monti alltaf hann stendur á
Öðrum fæti, öðrum fæti
Já, skelfing drynur í skepnunni,
með skottið hringað á senunni.
Af tómri kæti, af tómri kæti.
Tra la la la la

--------------------------------------

Vísur

Hér eru nokkrar vísur sem við höfum fundið um áa okkar.

Átt þú ?

Ef þú átt í þínum fórum eitthvað efni sem gæti átt erindi á vefinn, þá þætti mér vænt um að fá að skoða það.
JGM