Týnda platan

Nokkru eftir að diskarnir Græni fuglinn og Til Afríku komu út var ráðist í að safna saman tiltæku efni á stóra plötu. Upp úr kössunum komu allskonar skrýtnar hljóðritanir og meðal annars gleymdar demoupptökur af gleymdum lögum, eiginlega týnt efni sem kom í leitirnar og þótti svo gott að það varð upppistaðan í plötunni. Ekki síst vegna þessa fékk platan heitið Týnda platan og hér er semsé að finna fjölbreyttar upptökur, allt frá kynngimögnuðum spuna upp í talsvert fyrirfram ákveðinn tónlistarflutning. Platan inniheldur 18 lög og fæst í Verslun Helga og hljóðfæraleikaranna.