Að sækja og setja upp mIRC
Helstu stillingar (Options)
Skráasending DCC hluti mIRC
Kerfisvalmynd mIRC
Notaðu mIRC hraðar
 Vírusar og ófögnuður á IRC
 Upplýsingar og vörn gegn LIFE_STAGES vírusnum 
Geturðu ekki tengst IRC?
Algengar spurningar um IRC

Aðrir vefir um IRC

Íslenski Spjallrásalistinn

Heimasíða Björgvins
Námsaðstoð í stærðfræði
Póstur til vefstjóra
 

Kerfisvalmynd mIRC (System menu).

Kerfisvalmynd

Táknið efst í vinstra horni hvers glugga kallast kerfisvalmynd (System menu). Sé hann valinn birtast ýmsir valkostir tengdir glugganum. Athugið að með þessu móti stillum við hvern glugga fyrir sig, en flest þessi atriði er hægt að stilla fyrir mIRC í heild í valglugganum Options.

Position
Þú getur látið mIRC muna (remember) eða gleyma (forget) staðsetningu og stærð glugga. Veljir þú að muna, mun viðkomandi gluggi opnast í sömu stærð og staðsetningu næst. Ef valin er endurstilling (reset) mun glugginn fara í síðast völdu stærð og staðsetningu.

Buffer
Buffer er skammtímaminni sem geymir það sem stendur í glugga upp að vissu hámarki. Þú getur valið að hreinsa (clear) minnið, eða vista (save) innihaldið í textaskrá. Þessa skrá má síðan lesa með forriti á borð við Notepad.

Background
Hægt er að velja bakgrunn fyrir gluggan og eru notaðar .BMP myndir til þess. Athugið að mynd í glugga hægir töluvert á textanum í viðkomandi glugga.

Spacing...
Stillir línubil í glugga.

Save As...
Þessi kostur er aðeins fyrir myndaglugga og gefur kost á að vista innihald hans í .BMP skrá.

Nicklist
Þessi kostur tilheyrir rásagluggum og gefur möguleika á að færa nafnalistann til.

Font
Hér getur þú breytt leturgerð fyrir gluggann.

Logging
Hægt er að skrá innihald gluggans sjálfkrafa í skrá sem kallast atburðaskrá (logfile). Nafn gluggans er notað til að mynda skráarnafnið og nafnaukinn verður .log. Skráning heldur áfram þar til þú velur að hætta henni. Dagsetning og tími færast í byrjun og enda hverrar lotu.

Beeping
Þú getur valið að láta mIRC flauta í hvert skipti sem skilaboð koma í glugga sem falinn er sem táknmynd. Þessi stilling gildir fyrir gluggann í hvert skipti sem hann er opnaður.

Flashing
Ef hakað er við kostinn, mun mIRC táknið í Windows línunni neðst á skjánum blikka þegar ný skilaboð koma í gluggan.

Desktop
Þessi kostur leyfir þér að staðsetja glugga á skjáborðinu utan aðalgluggans.

Stay On Top
Valkosturinn birtist aðeins þegar gluggi er á skjáborðinu og þvingar hann þá til að leggjast yfir önnur forrit.

Timestamp
Hér velur þú hvort þú villt fá tímasetningu skilaboða í viðkomandi glugga. Þá mun tíminn birtast í formi klukkustunda:mínútna framan við hverja setningu.

Track URLs
Ef hakað er hér mun mIRC sjálfkrafa leita uppi vefslóðir sem nefndar eru í viðkomandi glugga.

Events
Hér er hægt að stilla eiginleika viðkomandi glugga sérstaklega án tillits til annara glugga. Viljirðu stilla alla glugga saman, þá notarðu Options valmyndina.