Að sækja og setja upp mIRC
Vírusar og óæskilegar sendingar á IRC
Stilltu mIRC eins og þú villt
Kerfisvalmynd mIRC
Sendu myndir með mIRC
Notaðu mIRC hraðar
Geturðu ekki tengst IRC?
Algengar spurningar um IRC
 

Aðrir vefir um IRC

Íslenski Spjallrásalistinn
 
 

Heimasíða Björgvins

Póstur til vefstjóra

Upplýsingar um Life_Stages.txt.shs vírusinn

LIFE_STAGES.TXT.SHS. er Ormur sem fer eins og eldur í sinu um IRCið þessa dagana og margir íslendingar hafa krækt sér í ófögnuðin. Hann dreifir sér einnig sjálfur sem viðhengi í tölvupósti til allra í addressubókinni okkar og gerir það án okkar vitundar og án þess að skilja eftir sig ummerki.

Veistu að tölvan þín er nú þegar smituð af LIFE_STAGES.TXT.SHS?
Þá getur þú náð þér í viðgerðarforrit hér.  Þetta er öruggt, ég hef sjálfur sótt og keyrt þetta forrit.  Það skoðar einnig tölvuna fyrir þig ef þú ert í vafa um hvort vírusinn leynist þar.

Hvernig fáum við vírusinn?
Vírusinn kemur til okkar í formi skrár á IRCinu eða sem viðhengi í tölvupósti. Komi skráin í gegn um IRC, þá heitir hún LIFE_STAGES.TXT.SHS, en í tölvupósti getur hún haft mismunandi heiti, en hefur þó nafnaukann .SHS
Eftirfarandi titill (subject) getur verið á smituðum tölvupósti: 

Life Stages
                       Funny
                       Jokes

                       FW: Life Stages
                       FW: Funny
                       FW: Jokes

                       Life Stages text
                       Funny text
                       Jokes text

                       FW: Life Stages text
                       FW: Funny text
                       FW: Jokes text

Hvernig verður vírusinn virkur?
Vírusinn verður virkur um leið og skráin LIFE_STAGES.TXT.SHS er opnuð, hvort sem hún kemur á IRC eða í tölvupósti.  Skráin verður EKKI virk við það eitt að opna og lesa póstinn sjálfan, heldur um leið og smellt er á viðhengið.

Hvaða skaða veldur vírusinn?
Life Stages veldur umfangsmiklum usla í tölvunni og við sjáum ekki strax afleiðingarnar.  Strax við opnun gerist eftirfarandi:

Eftirtaldar skrár eru búnar til í möppunni Windows\System:
scanreg.vbs
vbaset.olb
msinfo16.tlb

Breytingar eru gerðar á registry skránni (ræsiskrá stýrikerfis)
HKEY_LOCAL_MACHINE\Software\Microsoft\Windows\CurrentVersion \RunServices
þetta mun ræsa Scanreg.vbs næst þegar tölvan er ræst.

Life_Stages.txt.shs skrá er búin til í \Windows möppuna

Skrá með tilviljanakenndum nöfnum er búin til á eftirfarandi stöðum:
Rótina á öllum drifum
\My Documents möppuna
\Windows\Start Menu\Programs möppuna
 For example, Report_439.txt.shs or Important-707.txt.shs.

Regedit.exe skráin er flutt í ruslafötuna, falin og endurskýrð Recycled.vxd

Eftirtöldum skrám er bætt í ruslafötuna sem földum kerfisskrám
Msrcycld.dat
Rcycldbn.dat
Dbindex.vbs
Msrcycld.dat er afrit af upphaflegu .shs skránni, Rcycldbn.dat er afrit af Scanreg.vbs skránni, Dbindex.vbs er skrá sem keyrir um leið og ICQ er notað, mIRC .ini skránni er breytt til að kalla á skrána Sound32b.dll sem veldur því að vírusinn dreifir sér á IRC.

Hvað á að gera til að losna við vírusinn?
Sé skaðinn skeður og þú hafir orðið þér úti um LIFE_STAGES.TXT.SHS, þá sæktu nú þegar viðgerðarforrit á þessa slóð:  http://www.symantec.com/avcenter/fixlife.exe .  Nánari upplýsingar á ensku er að fá á síðunni: http://service1.symantec.com/SUPPORT/nav.nsf/docid/2000061913271906

Hvernig þekkjum við góðar skrár frá slæmum?

Það er ekki einfalt að þekkja munin á góðum og slæmum skrám hér frekar en í pósti.  Sama einfalda regla gildir þó, að taka aldrei við neinu frá fólki sem við ekki þekkjum vel og treystum rúmlega 100%. Þegar einhver reynir að senda okkur skrá, fáum við viðvörun frá mIRC og þar kemur fram nick sendanda og nafn á skránni (file) sem hann/hún vill senda. 

Málið er að ormar og vírusar dreifa sér sjálfkrafa án þess að sendandinn viti af því.  Því gæti tölva okkar besta vinar verið smituð og sent okkur skrá án þess að hann fái nokkuð að gert.  Oft veit fólk ekki að tölvan er smituð, fyrr en einhver kvartar og því ættum við að segja fólki frá því ef okkur berast grunsamlegar sendingar.
 

Nafnið endar venjulega á punkti og 3 bókstöfum og segir það til um gerð skrárinnar.  Ef nafnið endar á .jpg eða .gif er um mynd að ræða, .waw er hljóð og svo framvegis. 

Mjög algengt er að fólk sendi okkur skár sem geta heitið t.d. myphoto.jpg.exe og lítur það þá út fyrir að vera ljósmynd ekki satt?  Svo er þó ekki, því að það er búið að rugla okkur með tveimur punktum í nafninu.  Seinni punkturinn og exe heitið segja okkur að þetta sé forrit og mjög sennilega stórhættulegur vírus.  Endingar eins og .bat .txt .dll og .com ættum við að varast sérstaklega líka.

Hvað er hægt að gera?

Við getum stillt mIRC þannig að það taki aðeins við ákveðnum gerðum af skrám, eða taki alls ekki við neinu yfir höfuð.  Einfaldast er að taka ekki við neinu og það er líka einfalt að stilla þetta.  Farðu efst til vinstri á skjáinn og veldu File - Options - DCC og þá færðu upp þetta spjald:

Fylltu spjaldið út eins og myndin sýnir og veldu svo Folders úr glugganum til vinstri.

Á miðju spjaldinu þar sem stendur DCC Ignore þurfum við að velja eins og myndin sýnir.  Við veljum Ignore all exept:, höfum miðreitinn auðan og neðsti skiptir ekki höfuðmáli.

Nú ættir þú ekki að eiga á hættu óprúttnar árásir frá öðrum IRCurum með skráasendingum, en gallinn er sá að þú þarft að taka þessa vörn af ef þú villt meðtaka myndir.  Það gerirðu tímabundið, með því að velja Disabled í DCC Ignore.  Vörnin fer aftur á sjálfkrafa eftir tímann sem stilltur er í neðsta reitnum, ef hakað er í Turn ignore back on.